რუსთავი 2-ის გენერალურ დირექტორს, ნიკა გვარამიას სააპელაციო სასამართლოს მოსამართლეთა კოლეგიამ, რომელიც რუსთავი 2-ის საქმეს იხილავს, სხდომათა დარბაზი დაატოვებინა.
მოსამართლეთა კოლეგიის განცხადებით, გვარამიას შესვენების შემდეგ სხდომაზე შესვლის უფლება კვლავ ექნება. მანამდე მოსამართლეებმა ნიკა გვარამიას რამდენიმე შენიშვნა მისცეს.
თბილისის სააპელაციო სასამართლოს კოლეგია რუსთავი 2-ისა და მისი მფლობელების სააპელაციო სარჩელს განიხილავს. საქალაქო სასამართლომ რუსთავი 2 ქიბარ ხალვაშს მიაკუთვნა, სწორედ ამ გადაწყვეტილებას ასაჩივრებენ.