კინოფესტივალი “ამირანი” 1978 წელს დაარსდა, 1990 წელს არსებობა შეწყვიტა და მხოლოდ 2007 წელს აღდგა შოთა რუსთაველის სახელობის თეატრისა და კინოს უნივერსიტეტის ინიციატივით, რის შემდეგაც ის უკვე საერთაშორისო მასშტაბისაა და ყოველწლიურად ტარდება.
2013 წლის 3–7 ივნისს აღდენილი “ამირანი” უკვე მეშვიდედ გაიმართება.
სტუდენტური ნამუშევრების წარდგენა ფესტივალზე როგორც საქართველოს, ისე მსოფლიოს სხვადასხვა ქვეყნის სტუდენტ კინემატოგრაფისტებს ონლაინ განაცხადის საშუალებით შეუძლიათ. განაცხადის შეტანის ბოლო ვადა 2013 წლის 18 მარტია.