გახარია ლარის გაუფასურებაზე: ეს არის ვოლატილობა, რომელიც ლირასთან მიმართებაში აისახება

ეკონომიკის მინისტრის, გიორგი გახარიას განცხადებით, მთავრობა ლარის კურსის დასტაბილურობას ელოდება. მისი თქმით, ლარის ამჟამინდელი გაუფასურება მოკლევადიანი თემაა და ის თურქული ლირის ვარდნას უკავშირდება:

“ის, რაც დღეს ხდება ლარის კურსის გაუფასურებასთან დაკავშირებით, ეს არის ის ვოლატილობა, რომელიც აისახება თურქეთის ლირასთან მიმართებაში. შესაბამისად, ეს არის მოკლევადიანი თემა. ჩვენ დასტაბილურებას ველოდებით”, – თქვა გახარიამ.

14 დეკემბრისთვის ეროვნული ბანკის მიერ დადგენილი ოფიციალური გაცვლითი კურსით, 1 აშშ დოლარი 2.6599 ლარი ღირს, რაც დღეისთვის დადგენილ კურსს 0.0445 ერთეულით აღემატება.

5 თეთრზე მეტით გაძვირდა ევროც. 14 დეკემბრისთვის დადგენილი კურით, 1 ევრო 2.8222 ლარი ღირს, რაც 13 დეკებრისთვის დადგენილ კურსს 0.0509 ლარით აღემატება.

კომერციულ ბანკებში 1 აშშ დოლარის ფასი 2.7 ლარს აჭარბებს.

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com