ღარიბაშვილი: კონსტიტუციაში პრეზიდენტის და პრემიერის მოვალეობები კარგად არის გაწერილი

ეს შეფასება საქართველოს პრემიერ–მინისტრმა ირაკლი ღარიბაშვილმა დღეს “ქარვასლაში” ანაკლიის პორტზე ინტერესთა გამოხატვის პრეზენტაციის დასრულების შემდეგ გააკეთა. 

ირაკლი ღარიბაშვილი გამოეხმაურა ევროკავშირთან ასოცირების  დღის წესრიგის იმ ნაწილს, რომელიც პრემიერისა და პრეზიდენტის ურთიერთობებს შეეხება:

 
“მოგიწოდებთ, კონსტიტუცია აიღოთ და წაიკითხოთ კიდევ ერთხელ. იქ არავითარი კითხვა, მით უმეტეს, ჩვენს საქმიანობაში არ არსებობს. ჩვენ გვაქვს ჩვენი კომპეტენცია, პარლამენტს თავისი და პრეზიდენტს თავისი, ასე რომ, აქ არავითარი კითხვა არ არსებობს. ხელოვნურად ნუ შექმნიან რაღაც სპეკულაციებს.”