აფხაზეთში დე ფაქტო პრეზიდენტის არჩევნები 21 ივლისს გაიმართება

აფხაზეთში დე ფაქტო პრეზიდენტის არჩევნები 21 ივლისს გაიმართება. შესაბამისი დადგენილება დე ფაქტო ეროვნულმა კრებამ – პარლამენტმა მიიღო.

რაულ ხაჯიმბას, აფხაზეთის დე ფაქტო რესპუბლიკის მოქმედ პრეზიდენტს, რომელიც აღნიშნულ თანამდებობას 2014 წლის 25 სექტემბრიდან იკავებს, უფლებამოსილება 2019 წლის 25 სექტემბერს ეწურება.

2019 წლის 9 ივნისს საპარლამენტო არჩევნები იმართება სამხრეთ ოსეთის დე ფაქტო რესპუბლიკაშიც.

ქართული მხარე და საერთაშორისო საზოგადოება ლეგიტიმურად არ ცნობს როგორც სამხრეთ ოსეთის, ასევე აფხაზეთის დე ფაქტო რესპუბლიკებში ჩატარებულ არჩევნებს.

ნეტგაზეთის მასალების სხვა გამოცემებში გადაბეჭდვის წესი
ავტორი