Airbnb-ის მიერ რეკომენდებულ 19 ქალაქს შორის ბათუმიც მოხვდა

Airbnb თავის მომხმარებლებს 2019 წელს მოგზაურობის დასაგეგმად 19 ტრენდულ ტურისტულ ადგილს სთავაზობს, რომელთა შორის ბათუმიც მოხვდა.

“საქართველოს სიდიდით მეორე ქალაქი ადგილობრივებსა და ტურისტებს შორის მზარდი პოპულარობით სარგებლობს. ეს განპირობებულია ქალაქის ზღვისპირა მდებარეობით და მთელი წლის განმავლობაში საშუალო კლიმატით.

შავი ზღვის საპორტო  ქალაქი, 160 000-იანი მცხოვრებით, აერთიანებს გასართობ დაწესებულებებსა და ძველ დასახლებას, რომელიც დროში გამოგზაურებთ. რეგიონი პლაჟებსა და სათხილამურო კურორტს აერთიანებს” – წერს Airbnb ბათუმის შესახებ.

ბათუმის გარდა ჩამონათვალში მოხვდა ანდალუსია – ესპანეთი, სანტა კატარინა – ბრაზილია, ბუენოს აირესი – არგენტინა, ნორმანდია – საფრანგეთი და სხვ.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.