სოხუმში ომში გამარჯვების 25 წლისთავისთვის ემზადებიან [ფოტო]

"ქართული ოცნება" კვლავ აპირებს რუსული კანონის მიღებას. ეს კანონპროექტი 2023 წლის მარტში მასობრივი პროტესტის შემდეგ "ოცნებამ" უკან გაიწვია და პირობა დადო, რომ მას აღარასოდეს დაუბრუნდებოდა.
ანალოგიურმა კანონმა რუსეთში გააქრო ყველა დემოკრატიული ინსტიტუტი და გაამყარა პუტინის რეჟიმი.

სოხუმში “ქართულ-აფხაზურ ომში გამარჯვების 25 წლისთავისთვის” ემზადებიან. სადღესასწაულო ღონისძიებებისთვის, რომლებიც 30 სექტემბერს გაიმართება, აფხაზეთის მინისტრთა საბჭოს ყოფილ, ავარიულ მდგომარეობაში მყოფ შენობასა და მის მიმდებარედ აფხაზურ სიმბოლიკიანი ბანერები გააკრეს, რომლებიც სოჭში სპეციალურად დაბეჭდეს.

30 სექტემბერს ამავე მოედანზე აღლუმი გაიმართება, რისთვისაც ძალოვანი სტრუქტურები აქტიურად ემზადებიან. ასევე, იგეგმება საბავშვო მუსიკალური ჯგუფების წარმოდგენები.

ოფიციალური ინფორმაციით, სადღესასწაულო ატრიბუტიკით მოირთვება სოხუმის ცენტრალური ნაწილებიც. ომში გამარჯვების 25 წლისთავისთვის სოხუმის მიმდებარედ გზების გარკვეული მონაკვეთებიც გარემონტდა.

სოხუმი “ომში გამარჯვების” 25 წლისთავისთვის ემზადება; ფოტო: ნეტგაზეთი/მარიანა კოტოვა

მინისტრთა საბჭოს ყოფილი შენობა სოხუმში; სოხუმი “ომში გამარჯვების” 25 წლისთავისთვის ემზადება; ფოტო: ნეტგაზეთი/მარიანა კოტოვა

1992 წლის 14 აგვისტოს დაწყებული სამხედრო კონფლიქტი აფხაზეთში 13 თვეს გაგრძელდა. 27 სექტემბერი ორ ქალაქში- სოხუმსა და თბილისში განსაკუთრებით აღინიშნება. აფხაზებისთვის ის სოხუმის განთავისუფლების დღეა, ხოლო ქართველებისთვის – სოხუმის დაცემის.

მასალების გადაბეჭდვის წესი