ზაზა სარალიძე პარლამენტთან აქციაზე ისევ შეუძლოდ გახდა

ზაზა სარალიძე, რომელიც რამდენიმე დღის წინ საავადმყოფოში გადაიყვანეს მაღალი შაქრიანობით, პარლამენტთან საპროტესტო აქციაზე კვლავ შეუძლოდ გახდა.

როგორც გადაუდებელი სასწრაფო დახმარების პრესსამსახურიდან “ნეტგაზეთს” აცნობეს, სარალიძემ უარი თქვა შემდგომი გამოკვლევისათვის ჰოსპიტალიზაციაზე.

[განახლება: სარალიძე ამის შემდეგ მაინც გადაიყვანეს ინგოროყვას კლინიკაში].

10 სექტემბერს ხორავას ქუჩაზე მოკლული დავით სარალიძის მამამ, ზაზა სარალიძემ, და პანკისში სპეცოპერაციის დროს მოკლული თემირლან მაჩალიკაშვილის მამამ, მალხაზ მაჩალიკაშვილმა, აქციები განაახლეს;

იმავე დღეს სარალიძემ შიმშილობა დაიწყო ხელისუფლების გადადგომის მოთხოვნით; სარალიძე და მაჩალიკაშვილი მიიჩნევენ, რომ ხელისუფლემა მკვლელებს აფარებს ხელს და დამნაშავეებს არ სჯის. საპროტესტო აქციები გრძელდება.

ნეტგაზეთის მასალების სხვა გამოცემებში გადაბეჭდვის წესი


ავტორი
ლუკა პერტაია მუშაობდა ნეტგაზეთის რეპორტიორად 2016 წლის მაისიდან 2017 წლის 31 იანვრამდე. 2017-18 წლებში მუშაობდა OC Media ში რეპორტიორად. 2018 წლის 1 სექტემბრიდან ის კვლავ ნეტგაზეთის რეპორტიორია.