წალენჯიხაში 50 წლამდე კაცი ტრაქტორის ქვეშ მოჰყვა, რის შემდეგაც ადგილზე გარდაიცვალა. ინფორმაცია “ნეტგაზეთს” შსს-ში დაუდასტურეს.
უწყების პრესსამსახურის ცნობით, დაღუპული ტრაქტორის მძღოლი იყო. შსს-ში არ აქვთ ინფორმაცია, კონკრეტულად რა სახის სამუშაოები მიმდინარეობდა უბედური შემთხვევისას.
გამოძიება 240-ე მუხლის მეორე ნაწილით მიმდინარეობს. აღნიშნული ნაწილი სამთო სამშენებლო ან სხვა სახის სამუშაოს წარმოებისას უსაფრთხოების წესების დარღვევას გულისხმობს, რამაც სიცოცხლის მოსპობა გამოიწვია.
