შსს აპირებს, facebook-ს ხორავას ქუჩის ჩხუბის მონაწილეების მიმოწერა სთხოვოს

შინაგან საქმეთა მინისტრ გიორგი გახარიას განცხადებით, აპირებენ, მიმართონ კომპანია facebook-ს, რათა ამოიღონ ის მიმოწერა, რომელიც ხორავას ქუჩაზე მომხდარი არასრულწლოვნების მკვლელობის საქმის მონაწილე პირებს შორის ხდებოდა:

“დღესვე გავაგზავნით [მოთხოვნას] და იქედან მოცემულ ინფორმაციას, როგორც კი მივიღებთ გამოგიგზავნით თქვენ ბატონო გიგა”, – განაცხადა გიგა ბოკერიას კითხვის პასუხად შს მინისტრმა გიორგი გახარიამ.

კომისიის ფარგლებში ასევე გამოითქვა ვარაუდი, რომ შეიძლება, ეს მიმოწერა წაშლილი იყოს.

დღეს, 3 აგვისტოს, პარლამენტის საგამოძიებო კომისია შს მინისტრ გიორგი გახარიას და ყოფილ მთავარ პროკურორს ირაკლი შოთაძეს კითხავს. დღესვე უნდა გამოიკითხოს იუსტიციის მინისტრის თეა წულუკიანი.

 

ნეტგაზეთის მასალების სხვა გამოცემებში გადაბეჭდვის წესი


ავტორი
ელენე ხაჭაპურიძე არის ნეტგაზეთის რეპორტიორი 2011 წლიდან. აშუქებს პოლიტიკის, განათლების, ჯანდაცვის, ადამიანის უფლებებს და მიმდინარე მოვლენებს. e-mail ellen.khachapuridze@gmail.com