პოლიციელმა კაცი მოკლა, ხოლო ქალი დაჭრა – რუსთავი 2

რუსთავი 2-ის ინფორმაციით, თბილისში, წერეთლის გამზირზე, პოლიციის მოქმედმა თანამშრომელმა ცეცხლსასროლი იარაღით კაცი მოკლა, ხოლო ქალი დაჭრა.

მკვლელობის ფაქტი შინაგან საქმეთა სამინისტროში დაგვიდასტურეს. შსს-ს ცნობით, ბრალდებული უკვე დაკავებულია, ხოლო გამოძიება სისხლის სამართლის კოდექსის 11 პრიმა 19-109 მუხლით მიმდინარეობს, რაც დამამძიმებელ გარემოებაში განზრახ მკვლელობას გულისხმობს.

როგორც რუსთავი 2 წერს, პოლიციელმა ქალი დაჭრა, ხოლო მისი ყოფილი ქმარი მოკლა. კურიერის ინფორმაციით, ბრალდებულმა იარაღიდან ბავშვების თვალწინ გახსნა ცეცხლი.

ნეტგაზეთის მასალების სხვა გამოცემებში გადაბეჭდვის წესი


ავტორი
გიორგი დიასამიძე არის ნეტგაზეთის რეპორტიორი 2014 წლიდან. აშუქებს საზოგადოებრივ-პოლიტიკურ თემებს, სპორტს და სხვა მიმდინარე მოვლენებს. ასევე, მუშაობს განათლების, ადამიანის უფლებებისა და სოციალურ საკითხებზე.