NDI – 63% მიიჩნევს, რომ საპარლამენტო არჩევნების შემდეგ კრიმინალი გაიზარდა

ეროვნულ-დემოკრატიულმა ინსტიტუტმა (NDI) დღეს, 30 აპრილს, თბილისში  საზოგადოებრივი აზრის კვლევის შედეგები წარმოადგინა.

კვლევის მიხედვით, გამოკითხულთა 63% მიიჩნევს, რომ 2016 წლის საპარლამენტო არჩევნების შემდეგ კრიმინალი გაიზარდა. 24% ამბობს, რომ კრიმინალის დონე იგივე დარჩა. 9%-ს მიაჩნია, რომ კრიმინალი საპარლამენტო არჩევნების შემდეგ შემცირდა. 4%-მა არ იცის, 2016 წლის საპარლამენტო არჩევნების შემდეგ კრიმინალი გაიზარდა, შემცირდა თუ იგივე დონეზე დარჩა.

NDI-ს დაკვეთით, CRRC-საქართველოს მიერ მომზადებული კვლევა საქართველოში საზოგადოების განწყობებს ასახავს. გამოკითხვა 2018 წლის 28 მარტიდან 4 აპრილის მონაკვეთში ჩატარდა.  მთელი ქვეყნის მასშტაბით (ოკუპირებული ტერიტორიების გარდა) წარმომადგენლობითი შერჩევის პრინციპით გამოიკითხა 2 194 პირი. ცდომის საშუალო ზღვარი არის +/- 2.2%.

ნეტგაზეთის მასალების სხვა გამოცემებში გადაბეჭდვის წესი


ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.