19068

9 აგვისტოს გამთენიისას მაგთიკომის მობილური ინტერნეტი 2 საათით გაითიშება

“მაგთიკომის” განცხადებით, 9 აგვისტოს გამთენიისას მობილური ოპერატორის აბონენტებს მობილური ინტერნეტით სარგებლობა შეზღუდებათ. კომპანიაში აცხადებენ, რომ დაგეგმილია ტექნიკური სამუშაოები და გამთენიისას 3:00-დან 5:00-საათამდე პერიოდში, მთელი საქართველოს მასშტაბით 2G, 3G da 4G ქსელი გაითიშება:

“მაგთიკომი გაცნობებთ, რომ დაგეგმილი ტექნიკური სამუშაოების გამო 08 აგვისტოდან 09 აგვისტოს ღამეს 03:00 საათიდან 05:00 საათამდე პერიოდში, მთელი საქართველოს მასშტაბით, გაითიშება  2ჯი, 3ჯი, 4ჯი ქსელი, რაც გამოიწვევს აქტიური სესიების გაწყვეტას.  მითითებულ პერიოდებში  სადგურების გათიშვა მოხდება ეტაპობრივად მაქსიმუმ 10 წუთით” – ნათქვამია კომპანიის მიერ გავრცელებულ განცხადებაში.

“მაგთიკომი” აფრთხილებს მომხმარებლებს, რომ მობილური ინტერნეტი აღდგენის შემდეგ, შესაძლოა თავიანთი აპარატურის გადატვირთვა დასჭირდეთ, თუ მათი მოწყობილობა ავტომატურად არ ახდენს PDP სესიის გახსნას.

ნეტგაზეთის მასალების სხვა გამოცემებში გადაბეჭდვის წესი
ავტორი