საქართველოს მთავრობის ვებ-გვერდზე, განყოფილებაში “მთავრობის წევრები” ცარიელია გრაფები თავდაცვის მინისტრისა და შერიგების სახელმწიფო მინისტრის შესახებ, ანუ ვებ-გვერდის მიხედვით ხიდაშელი და ზაქარეიშვილი აღარ არიან მინისტრები.
საქართველოს პრემიერის მიერ გამოცემული ბრძანებით კი, ზაქარეიშვილი და ხიდაშელი დაკავებული თანამდებობიდან თავისუფლდებიან 1 აგვისტოდან.
პრემიერს მათი შემცვლელები ჯერ არ დაუსახელებია.
არჩევნებთან დაკავშირებით, ვინაიდან რესპუბლიკური პარტია დამოუკიდებლად მიიღებს არჩევნებში მონაწილეობას, პრემიერის გადაწყვეტილებით, ამ პარტიის წარმომადგენელი მინისტრები – თინა ხიდაშელი და პაატა ზაქარეიშვილი ტოვებენ თანამდებობებს.