სექტემბრიდან გარემოს დაცვის ინსპექცია რეგულირების ობიექტებს გეგმიურად შეამოწმებს. ინსპექციის ავტომობილებს სათვალთვალო ვიდეოკამერები დაუმონტაჟდებათ, რაც ონლაინ რეჟიმში გაკონტროლდება ხელმძღვანელობის მიერ.
”ერთ-ერთი მნიშვნელოვანი საკითხი, გარემოს დაცვის ინსპექციის ავტომანქანებში სათვალთვალო ვიდეოთვალის დამონტაჟებაა, რომელიც მუდმივად გააკონტროლებს თანამშრომელთა მუშაობას, რაც კორუფციის საბოლოოდ აღმოფხვრას შეუწყობს ხელს“ – განაცხადა გუშინ გოგა ხაჩიძემ ჟურნალისტებთან საუბრისას.
დღემდე ინსპექტირება უტარდებოდათ მხოლოდ სწრაფი რეაგირების თანამშრომლების მიერ გამოვლენილ ობიექტებსა და ცხელ ხაზზე შემოსულ შეტყობინებებს.