წალკა-ნინოწმინდა-ახალქალაქის 230 კილომეტრიან მაგისტრალზე 23 ხელოვნური ნაგებობის, მათ შორის, 15 ხიდისა და 8 მილ-ხიდის მშენებლობა მიმდინარეობს. მოეწყო სანიაღვრე სისტემები, დამონტაჟდა წყალგამტარი მილები, გზის სავალ ნაწილზე კი ასფალტ-ბეტონის საფარი იგება.
პროექტზე 2000-მდე ადამიანია დასაქამებული, რომელთა დიდი ნაწილიც ადგილობრივი მოსახლეა.
პროექტის დასრულების შემდეგ თბილისიდან ახალქალაქამდე მგზავრობის ხანგრძლივობა 3 საათამდე შემცირდება, მაშინ, როცა სარეაბილიტაციო სამუშაოების დაწყებამდე ამ გზის გავლას 8 საათი სჭირდებოდა. რეაბილიტირებული გზის გახსნა წლის ბოლოსთვის იგეგმება.
