ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

რუსეთის პრეზიდენტის ადმინისტრაციაში სამხრეთ ოსეთის ყოფილი დე ფაქტო პრეზიდენტის, ალან გაგლოევის მრჩევლად დანიშვნის შემდეგ პუტინის მრჩევლებს შორის ფუნქციების გადანაწილება გადაიხედება. ამის შესახებ რუსეთის პრეზიდენტის პრესმდივანმა, დმიტრი პესკოვმა განაცხადა.

პესკოვის თქმით, ამ ეტაპზე ჯერ არ არის განსაზღვრული, კონკრეტულად რა მიმართულებით იმუშავებს გაგლოევი კრემლში.

„ჯერჯერობით ეს განსაზღვრული არ არის. პრეზიდენტის ადმინისტრაციის ხელმძღვანელობის ფუნქციების განაწილებაში შესაბამისი ცვლილებები და საჭირო დამატებები შევა. ამის შესახებ შესაბამის დოკუმენტსაც გამოვაქვეყნებთ“, – განაცხადა პესკოვმა.

23 ივნისს ალან გაგლოევმა სამხრეთ ოსეთის დე ფაქტო პრეზიდენტის თანამდებობა პუტინთან შეხვედრის შემდეგ დატოვა. როგორც მხარეებმა განაცხადეს, ის რუსეთის პრეზიდენტის, ვლადიმირ პუტინის მრჩევლის პოსტს დაიკავებს.  დე ფაქტო სამხრეთ ოსეთს კი რუსეთის მოქალაქე უხელმძღვანელებს.

“მოსკოვში შესაძლოა ისევ განიხილონ სამხრეთ ოსეთის შეერთების საკითხი” – Meduza

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.