გაფართოების საკითხებში ევროკომისარი, მარტა კოსი აცხადებს, რომ საქართველოში ბოლო დროს განვითარებული მოვლენები საგანგაშოა.
მისი თქმით, „ქართული ოცნების“ მიერ შემოთავაზებული საკანონმდებლო ცვლილებები კიდევ უფრო მეტად გამოუთხრის ძირს მოქალაქეთა შეკრებისა და გამოხატვის თავისუფლების უფლებებს.
„მოვუწოდებთ საქართველოს ხელისუფლებას, პატივი სცეს საქართველოს მოქალაქეების ნებას, შეცვალოს კურსი და დაუბრუნდეს საქართველოს ევროკავშირისკენ მიმავალ გზას“, – წერს მარტა კოსი X-ზე.
უწყვეტი საპროტესტო აქციების ფონზე „ქართულ ოცნებას“ დაჩქარებულად შემოაქვს მორიგი რეპრესიულ კანონები. „ოცნებას“ ცვლილებები შეაქვს: ადმინისტრაციულ სამართალდარღვევათა კოდექსში, სისხლის სამართლის კოდექსში, შეკრებებისა და მანიფესტაციების შესახებ კანონსა და პოლიციის შესახებ კანონში.
„ოცნების“ გადაწყვეტილებით, იცვლება შეკრებებისა და მანიფესტაციების შესახებ კანონი და შემოაქვს სპონტანური შეკრების/მანიფესტაციის ცნება, ასევე იზრდება ადმინისტრაციული პატიმრობის ვადები და ჯარიმები.
