აშშ-ს ჯერ კიდევ მოქმედმა პრეზიდენტმა, ჯო ბაიდენმა ახალარჩეული პრეზიდენტი, დონალდ ტრამპი თეთრს სახლში მიიწვია. ადმინისტრაციის ინფორმაციით ისინი ერთმანეთს ოთხშაბათს, 11:00 საათზე, ოვალურ კაბინეტში შეხვდებიან.
5 ნოემბერს აშშ-ში საპრეზიდენტო არჩევნები ჩატარდა, სადაც რესპუბლიკელმა კანდიდატმა, დონალდ ტრამპმა გაიმარჯვა. ის მეორედ გახდა აშშ-ს პრეზიდენტი.
„მინდა მადლობა გადავუხადო ამერიკელ ხალხს განსაკუთრებული პატივისთვის, რომ ამირჩიეს 47-ე და 45-ე პრეზიდენტად… ყოველდღე ვიბრძოლებ თქვენთვის, თქვენი ოჯახებისთვის და თქვენი მომავლისთვის… მე არ მოვისვენებ მანამ, სანამ არ მივაღწევთ ძლიერ, უსაფრთხო და აყვავებულ ამერიკას, რომელსაც ჩვენი შვილები და თქვენ იმსახურებთ. ეს ნამდვილად იქნება ამერიკის ოქროს ხანა“, – განაცხადა ტრამპმა 6 ნოემბერს, ფლორიდაში, მხარდამჭერებთან შეხვედრისას.
ამავე თემაზე:
