მერიის ცნობით, საბაგიროს შეჩერების მიზეზი საბაგირო გზის ნამუშევარი საათების რაოდენობის გათვალისწინებით ძირითადი გამწევი ბაგირის შეცვლაა. სარემონტო სამუშაოები დაიწყება 9 ნოემბერს და გაგრძელდება 20 ნოემბრამდე. სამუშაოების მიმდინარეობისას საბაგირო გზა დროებით დაიხურება.
რიყე-ნარიყალას საბაგირო 2012 წლის ივნისიდან ამოქმედდა, რომელიც რიყის პარკსა და ნარიყალას ციხე-სიმაგრეს აკავშირებს. რიყე-ნარიყალას საბაგირო გზის სიგრძე 500 მეტრია და ის 7 გონდოლას მოიცავს.
