ახალი ამბები

თურქეთში პოლიციამ მედიაორგანიზაცია შტურმით აიღო

29 ოქტომბერი, 2015 • • 1446
თურქეთში პოლიციამ მედიაორგანიზაცია შტურმით აიღო

როგორც ბრიტანული მედია წერს, მედიაორგანიზაციის ერთ-ერთი ტელევიზიის სათვალთვალო კამერების ჩანაწერში ჩანს, რომ პოლიციის თანამშრომლებმა სპეციალური ხელსაწყოები გამოიყენეს Kanalturk-ის ოფისის შესასვლელების გასაღებად. მათ ასევე ოფისის წინ შეკრებილი მხარდამჭერები წყლის ჭავლითა და ცრემლსადენი გაზით დაარბიეს.

 

ტელევიზიის შენობასთან შეკრებილი მხარდამჭერები პოლიციამ წყლის ჭავლის გამოყენებით დაარბია. ფოტო: EPA/ZAMAN NEWSPAPER
ტელევიზიის შენობასთან შეკრებილი მხარდამჭერები პოლიციამ წყლის ჭავლის გამოყენებით დაარბია. ფოტო: EPA/ZAMAN NEWSPAPER

 

მედიაორგანიზაცია ამერიკაში მოღვაწე თურქ ფეითჰულა გიულენს ეკუთვნის, რომელიც მოძრაობა “ჰიზმეტის” სულიერი ლიდერია და მოქმედი პრეზიდენტის, რეჯეფ თაიფ ერდოღანის პოლიტიკურ მოწინააღმდეგედ ითვლება.

 

სასამართლოს გადაწყვეტილებით Koza-Ipek-ის ოფისების დახურვა ორშაბათს გადაწყდა. მედიაორგანიზაციას ტერორიზმის პროპაგანდაში ედება ბრალი, თუმცა ის ბრალდებას უარყოფს.

 

საპარლამენტო არჩენები თურქეთში 1 ნოემბერს გაიმართება.

 

ტელევიზიასთან შეკრებილი მხარდამჭერები პოლიციამ დაარბია.  ფოტო: EPA/ZAMAN NEWSPAPER
ტელევიზიასთან შეკრებილი მხარდამჭერები პოლიციამ დაარბია. ფოტო: EPA/ZAMAN NEWSPAPER

 

ევროპარლამენტი უკვე გამოეხმაურა თურქეთში მიმდინარე მოვლენებს და ევროპარლამენტის პრეზიდენტმა მარტინ შულცმა ამასთან დაკავშირებით ტვიტერში პოსტი გამოაქვეყნა, სადაც აღნიშნა,  რომ თავისუფალი მედია დემოკრატიის ქვაკუთხედია.

 

 

ამერიკის სახელმწიფო დეპარტამენტის წარმომადგენელი ჯონ კირბი აცხადებს, რომ ამერიკა აგრძელებს თურქეთის მთავრობის დარწმუნებას, რომ მათ შეინარჩუნონ დემოკრატიული ფასეულობები, ისეთი როგორიცაა გამოხატვის თავისუფლება და ინფორმაციის მიღების უფლება.

 

ტელევიზიასთან შეკრებილი მხარდამჭერები მის დახურვას აპროტესტებენ.  ფოტო: EPA/DENIZ TOPRAK
ტელევიზიასთან შეკრებილი მხარდამჭერები მის დახურვას აპროტესტებენ. ფოტო: EPA/DENIZ TOPRAK

მასალების გადაბეჭდვის წესი