ევროკავშირის უმაღლესი წარმომადგენლის პრეს-სპიკერი პიტერ სტანოს განცხადებით, ევროკავშირი არ ცნობს ოკუპირებული ცხინვალის რეგიონში ე.წ. საპარლამენტო არჩევნებს.
ამის შესახებ ის X-ზე წერს.
„ევროკავშირი არ ცნობს იმ კონსტიტუციურ და სამართლებრივ ჩარჩოს, რომელშიც საქართველოს ოკუპირებულ თვითგამოცხადებულ რეგიონში, სამხრეთ ოსეთში ე.წ. “საპარლამენტო არჩევნები” ჩატარდა.
ევროკავშირი კვლავ მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას“ – წერს პიტერ სტანო.
Georgia: 🇪🇺does not recognise the constitutional and legal framework in which the so-called “parliamentary elections” took place in 🇬🇪´s occupied breakaway region of South Ossetia. The EU remains firm in its support to Georgia’s sovereignty and territorial integrity.
— Peter Stano (@ExtSpoxEU) June 9, 2024
ოკუპირებული ცხინვალის რეგიონში ე.წ. საპარლამენტო არჩევნები მიმდინარეობს.
ე.წ. არჩევნები 73 საარჩევნო უბანზე ჩატარდება, მათგან 71 უბანი ოკუპირებული ცხინვალის ტერიტორიაზე, ორი კი „სამხრეთ ოსეთის საელჩოში მოსკოვში“ და „ჩრდილოეთ ოსეთის საკონსულოში“ არის გახსნილი.
საქართველოს საგარეო საქმეთა სამინისტრო გმობს რუსეთის მიერ ოკუპირებულ ცხინვალის რეგიონში ე.წ. საპარლამენტო არჩევნებს და აცხადებს, რომ ეს უხეშად არღვევს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.
