აქვე ნათქვამია, რომ განსაკუთრებით უნდა გამოიყოს ქართული შეიარაღებული დანაყოფების თავდასხმის ფაქტი რუს სამშვიდობოებზე, რომელთაგან ათმა სამსახურებრივი მოვალეობის შესრულების დროს მოქალაქეების დასაცავად სიცოცხლე გაწირა.
“ამასთან, საერთაშორისო სასამართლოს პროკურორის მოკვლევით, ოსების მიზანმიმართული მკვლელობა არ გახდება საერთაშორისო გამოძიების საგანი. პროკურატურას ეჭვი ეპარება რუს სამშვიდობოებზე თავდასხმასთან დაკავშირებითაც. სამაგიეროდ, ისინი მზადყოფნას აცხადებენ გამოიძიონ ოსების მიერ ეთნიკურ ქართველთა მიმართ ჩადენილი მოქმედებები, ასევე რუსეთის შეიარაღებული ძალები, რომელიც, როგორც პროკურატურა აცხადებს, შესაძლოა, ამ მოქმედებების თანამონაწილე იყოს. 2008 წლის აგვისტოს ომის და მისი ამსახველი დოკუმენტაციის რეალობისგან ამდენად განსხვავებული ინტერპრეტაცია სისხლის სამართლის საერთაშორისო სასამართლოს პროკურორის ოფისის მიმართ ნდობას ნაკლებად შემატებს”
მოსკოვი იმედოვნებს, რომ პროკურორის შუამდგომლობის განხილვის დროს მოსამართლეები ისეთ გადაწყვეტილებას გამოიტანენ, რომელიც სამართლიანობის პრინციპებს შეესაბამება.
