რადიო თავისუფლების ევროპის ბიუროს რედაქტორის, რიკარდ იოზვიაკის ცნობით, არ არის გამორიცხული, რომ ევროკავშირმა საქართველოსთან ვიზალიბერალიზაცია შეაჩეროს.
ამის შესახებ იოზვიაკი X-ზე წერს. მისი თქმით, გუშინ, 8 მაისს, ბრიუსელში ევროკავშირის წევრი ქვეყნების ელჩების დონეზე კიდევ ერთხელ განიხილეს საქართველოში არსებულ ვითარება.
„ევროკავშირის ელჩებმა გუშინ ისევ იმსჯელეს საქართველოზე, მათ შორის პოტენციური ზომებზე იმ შემთხვევისთვის, თუ უცხოეთი აგენტების შესახებ კანონს მიიღებენ. ვიზალიბერალიზაციის შეჩერება არ არის გამორიცხული. ყველაფერი მაგიდაზეა“, – წერს იოზვიაკი.
საზოგადოებისთვის „რუსული კანონის“ სახელით ცნობილი დოკუმენტი საქართველოს პარლამენტმა პლენარულ სხდომაზე 83 ხმით, უკვე მეორე მოსმენითაც მიიღო პირველ მაისს. ამის შემდეგ პროცედურით გათვალისწინებულია იურიდიულ კომიტეტზე მესამე მოსმენით კენჭისყრა, შემდეგ კი კვლავ სესიაზე — მესამე მოსმენით. აღნიშნულის შემდეგ კანონის ძალაში შესასვლელად საჭიროა პრეზიდენტის ხელმოწერა, რომელმაც თქვა, რომ კანონს ვეტოს დაადებს. ამის შემდეგ, დიდი ალბათობით, „ოცნების“ უმრავლესობა ვეტოს დაძლევას შეეცდება, რის შემდეგაც საბოლოოდ შევა ძალაში.
“საქართველოს კანდიდატის სტატუსი უნდა შეუჩერდეს” – 31 ევროპარლამენტარი ბორელს მიმართავს
