ტაჯიკეთში ისლამისტებმა 23 სამხედრო მოკლეს, დაჭრილთა რიცხვი კი 10-ს აღწევს. ინციდენტი კვირას, 19 სექტემბერს, ქვეყნის ჩრდილოეთ ნაწილში, დედაქალაქიდან დაახლოებით 250 კილომეტრში მოხდა. ისლამისტური დაჯგუფების წევრებმა საფარიდან ცეცხლი გაუხსნეს სოფელ გერმის საგუშაგოზე შესაცვლელად მიმავალ სამხედრო კოლონას. შემთხვევის ადგილას და მიმდებარე ტერიტორიაზე დამატებითი ძალები გააგზავნეს, იქ იმყოფება ქვეყნის თავდაცვის მინისტრი შერალი ხაირულოიევიც, თუმცა თავდამსხმელთა კვალის მიგნება ამ დრომდე ვერ ხერხდება.