თამარ გოლდბერგი, რომელიც 7 ოქტომბერს ტერორისტული დაჯგუფება “ჰამასის” წევრებმა გაიტაცეს, მოკლული იპოვეს. ამ ინფორმაციას მოკლული ქალის და, მარიამი, სოციალურ ქსელში ავრცელებს.

“14 დღის შემდეგ, ღმერთმა ის იმედიც წამართვა, რაც მქონდა”, – წერს მოკლული ქალის და.

თამარ გოლდბერგი იმ მუსილაკულ ფესტივალს ესწრებოდა, რომელსაც “ჰამასი” 7 ოქტომბერს დაესხა თავს.

თამარ გოლდბერგის გარდა, ისრაელზე “ჰამასის” თავდასხმას კიდევ მინიმუმ ორი ქართველი ებრაელი ემსხვერპლა. 26 წლის მაიორი ავი აბრაამ ქუბელაშვილი და პოლიციელი იცაკ ბაზუკაშვილი ტერორისტებმა სამსახურეობრივი მოვალეობის შესრულების დროს მოკლეს.

7 ოქტომბერს, ისრაელზე „ჰამასის“ თავდასხმის შემდეგ, ისრაელის თავდაცვის ძალებმა [„ცაჰალი“] დაიწყეს ღაზის სექტორის დაბომბვა და უკანასკნელი ცნობებით, სახმელეთო ოპერაციისთვის ემზადებიან. ამ ეტაპზე ცნობილია 2670-ზე მეტ დაღუპულ პალესტინელზე. 1400-ზე მეტი პირი დაიღუპა ისრაელში. „ცაჰალმა“ მოუწოდა ჩრდილოეთ ღაზაში მცხოვრებ მშვიდობიან პირებს, ტერიტორიის სამხრეთში გადავიდნენ, რათა სამხედრო ოპერაციების არეალში არ მოყვნენ.