ბათუმელები/ნეტგაზეთის დამფუძნებელი და დირექტორი მზია ამაღლობელი დააპატიმრეს. ბათუმელები/ნეტგაზეთი, როგორც დამოუკიდებელი და გავლენებისგან თავისუფალი მედიასაშუალება, რომელიც მზია ამაღლობელმა 2001 წელს დააფუძნა, მიიჩნევს, რომ ის არის რუსული რეჟიმის სინდისის პატიმარი, არ აპირებს შეგუებას, ითხოვს მის დაუყოვნებლივ გათავისუფლებას და აგრძელებს ბრძოლას სიტყვის თავისუფლებისთვის.

დუბაიდან თელ-ავივის მიმართულებით მიმავალი სამგზავრო თვითმფრინავი საუდის არაბეთისკენ გადამისამართდა მას შემდეგ, რაც თვითმფრინავმა განგაშის სიგნალები გადასცა.

ისრაელის ოფიციალურმა პირებმა განაცხადეს, რომ მიზეზი პილოტებს შორის ფიზიკური დაპირისპირება იყო და არა თვითმფრინავის გატაცება, როგორც თავიდან ეგონათ.

FlyDubai-ის რეისმა, რომელსაც 150-ზე მეტი მგზავრი გადაჰყავდა, იორდანიის საჰაერო სივრცის თავზე საუდის არაბეთის მიმართულებით გადაუხვია. თავდაპირველად მან საერთო საგანგებო სიგნალი გადასცა, რამდენიმე წუთის შემდეგ კი კიდევ ერთი საგანგებო სიგნალი. თვითმფრინავმა შემდეგ კვლავ გადასცა საერთო საგანგებო სიგნალი, რის შემდეგაც საუდის არაბეთის ჩრდილო-დასავლეთში, ტაბუკის აეროპორტში დაეშვა.

პილოტებმა საგანგებო სიგნალები მას შემდეგ გადასცეს, რაც მათ შორის ფიზიკური დაპირისპირება მოხდა, თუმცა ჯერჯერობით უცნობია, ეს განზრახ გააკეთეს თუ უსაფრთხოების სისტემა გააქტიურდა.

ისრაელი მედია წყაროებზე დაყრდნობით იუწყება, რომ განგაშის სიგნალის საპასუხოდ, ისრაელმა საბრძოლო თვითმფრინავები მზადყოფნაში მოიყვანა, რადგან არსებობდა შიში, რომ თვითმფრინავი, რომელსაც ათობით ისრაელის მოქალაქე გადაჰყავდა, შეიძლებოდა გატაცებული ყოფილიყო.

დაგვამატე Google-ში

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.

ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.

დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.

წესებსა და პირობებს დეტალურად შეგიძლია გაეცნო მხარდაჭერის პლატფორმაზე.