გარემოს ეროვნული სააგენტო ყაზბეგში, გუშინ, 17 აგვისტოს, ღვარცოფის გავლის ადგილას დამცავი ღონისძიებების გატარების რეკომენდაციას გასცემს. ამის შესახებ სააგენტომ დღეს, 18 აგვისტოს გააკეთა განცხადება.
სააგენტოს ცნობით, სპეციალისტებმა შეისწავლეს ე.წ. თარგმანის უბანსა და უსახელო ხევის ჭალა-კალაპოტის ზონაში ღვარცოფის გავლის ადგილები და შესაბამის უწყებებთან განიხილავენ “ნებისმიერი ტიპის გართულების თავიდან აცილების მიზნით, უბნის მდგრადი ფუნქციონირებისათვის, კაპიტალური დამცავი ღონისძიებების გატარების გეგმის შემუშავების საკითხს”.
ყაზბეგის მუნიციპალიტეტის ცნობით, უხვი ნალექის გამო გუშინ მდინარე ადიდდა და გამოწვეულმა ღვარცოფმა გზა დატბორა. აღნიშნულის შედეგად არავინ დაშავებულა და არ დაზიანებულა ინფრასტრუქტურული ობიექტები.