უკრაინის პრეზიდენტმა ვოლოდიმირ ზელენსკიმ თანამდებობიდან გაათავისუფლა უკრაინის ელჩი დიდ ბრიტანეთში, ვადიმ პრისტაიკო, იტყობინება „ევროპეისკა პრავდა“.
სავარაუდოდ, ამის მიზეზი გახდა პრისტაიკოს სიტყვები ვოლოდიმირ ზელენსკის განცხადების შესახებ. კერძოდ: ბრიტანეთის თავდაცვის მინისტრმა, ბენ უოლესმა სთხოვა უკრაინას, უფრო მეტად გადაუხადოს მადლობა პარტნიორებს შეიარაღებისთვის და არა სულ ახალი იარაღი მოითხოვოს; ზელენსკიმ უოლესს უპასუხა, რომ უკრაინა ბრიტანეთის მადლობელია და დაამატა, რომ შეუძლია „ყოველ დილას გაიღვიძოს და მინისტრს პირადად გადაუხადოს მადლობა“; პრისტაიკომ, ამ დისკუსიაზე საუბრისას, ზელენსკის განაცხადებას „არაჯანსაღი სარკაზმი“ უწოდა, რაც ელჩის მიერ პრეზიდენტის კრიტიკად აღიქვეს.
მოგვიანებით პრისტაიკომ განაცხადა, რომ „სარკაზმი მეგობრულ ქვეყნებს შორის საჭირო არ არის“, თუმცა ზელენსკის კრიტიკა შეარბილა.
