ბრუნვისათვის მკაცრად შეზღუდული ნარკოტიკული საშუალებების ნუსხას 8 ახალი ნივთიერება დაემატა.
აღნიშნულს ითვალისწინებს „ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ“ კანონში შესატანი ცვლილება, რომელიც პარლამენტმა დღეს, 2 მაისს, მიიღო.
ცვლილების შედეგად ბრუნვისათვის მკაცრად შეზღუდული ნარკოტიკული საშუალებების ნუსხას ემატება შემდეგი ნივთიერებები:
- 3-მეთოქსიფენციკლიდინი,
- დიკლაზეპამი,
- დიფენიდინი,
- იზოტონიტაზენი,
- კლონაზოლამი,
- კუმილ-პეგაკლონი,
- მდმბ-4ენ-პინაკა
- ფლუბრომაზოლამი.
ნებისმიერ ოდენობით მათი უკანონო ბრუნვა გამოიწვევს კანონის შესაბამისი მუხლებით გათვალისწინებულ სისხლის სამართლებრივ პასუხისმგებლობას.
