პიანისტი გიორგი გიგაშვილი გადავიდა არტურ რუბინშტეინის საერთაშორისო საფორტეპიანო კონკურსის ფინალურ ეტაპზე. იგი მოხვდა ექვს საუკეთესო პიანისტს შორის, რომელიც პირველი და მეორე ეტაპების შემდეგ, 33 კონკურსანტიდან შეარჩია ჟიურიმ.

მეოცე საუკუნის ერთ-ერთი გამორჩეული პიანისტის, არტურ რუბინშტეინის სახელობის კონკურსი 1974 წლიდან არსებობს და იმართება სამ წელიწადში ერთხელ, თელ-ავივში.

პირველი ეტაპზე გიორგი გიგაშვილი ჟიურის წინაშე წარდგა დომენიკო სკარლატის, რობერ შუმანისა და ალექსანდრე სკრიაბინის ნაწარმოებებით:

https://www.youtube.com/watch?v=466OHBG8wA4&t=1465s

მეორე ეტაპზე კი შეასრულა ლუდვიგ ვან ბეთჰოვენისა და დიმიტრი შოსტაკოვიჩის ნაწარმოებები:

კონკურსის მესამე ეტაპის დასრულების შემდეგ – 30 მარტს, დასახელდებიან საპრიზო ადგილების მფლობელები.

გიორგი გიგაშვილი Classic FM-ის 30 ამომავალ ვარსკვლავს შორის

არტურ რუბინშტეინის სახელობის საერთაშორისო საფორტეპიანო კონკურსის ფინალისტების დასახელების პარალელურად, ერთ-ერთმა უმსხვილესმა ბრიტანულმა რადიოსადგურმა „Classic FM” დაასახელა 2023 წლის 30 გამორჩეული ახალგაზრდა მუსიკოსი. მათ შორის მოხვდა გიორგი გიგაშვილი. ქართველი პიანისტი იკავებს სიის მე-14 ადგილს.

ფოტო გარეკანზე: Yoel Levy