აფხაზური მედიის ცნობით, ასლან ბჟანია, დე ფაქტო პრეზიდენტი, სირიის არაბული რესპუბლიკის პრეზიდენტ ბაშარ ასადს ტელეფონით ესაუბრა და დახმარება შესთავაზა.
კერძოდ, აფხაზური მხარე სირიაში მიწისძვრით დაზარალებულ, მშობლების გარეშე დარჩენილ ბავშვებს აფხაზეთის სანატორიუმებში რეაბილიტაციას სთავაზობს.
ამასთან, თურქეთსა და სირიაში მიწისძვრით დაზარალებულთათვის ჰუმანიტრული დახმარების შეგროვების მიზნით სოხუმში დაგეგმილია ღონისძიებები.
თურქეთისა და სირიის საზღვართან ორშაბათს მომხდარი დამანგრეველი მიწისძვრის შედეგად დაღუპულთა რიცხვმა 16 ათასს გადააჭარბა.
ამავე თემაზე:
