კვირას რომ საპარლამენტო არჩევნები ტარდებოდეს, IRI-ის კვლევის თანახმად, ქართული ოცნება 25%-ს მიიღებდა, ხოლო ენმ – 12%-ს.

კვლევის მიხედვით, საქართველოს კანონმდებლობით გათვალისწინებულ 5%-იან ბარიერს სხვა ვერც ერთი პარტია ვერ ლახავს. ამომრჩევლის დიდი ნაწილი ჯერჯერობით ვერ აკონკრეტებს, ვის უჭერს მხარს.

• საქართველოსთვის – გიორგი გახარია – 3%
• გირჩი მეტი თავისუფლება – ზურაბ ჯაფარიძე – 3%
• სტრატეგია აღმაშენებელი – 2%
• დროა – 2%
• ლეიბორისტული პარტია – 2%
• ხალხისთვის – ანა დოლიძე – 2%
• გირჩი – 2%
• პატრიოტთა ალიანსი – 2%
• ლელო – 1%
• მოქალაქეები – 1%

მონაცემები 12 სექტემბრიდან 2 ოქტომბრის შუალედში შეგროვდა. კვლევის ფარგლებში საქართველოში მუდმივად მცხოვრებელი 1 500 სრულწლოვანი მოქალაქე პირისპირი ინტერვიუს გზით გამოკითხეს. ანგარიშის ავტორების თქმით, კვლევა რეპრეზენტატულია და მისი ცდომილების ზღვარი 2.5%-ს შეადგენს.

სრულად კვლევას შეგიძლიათ გაეცნოთ ბმულზე.