ილონ მასკი რუსეთის მიერ უკრაინის ოთხი ოლქის ანექსიას ტვიტერზე გამოკითხვით გამოეხმაურა, სადაც წამოაყენა უკრაინის ნეიტრალიტეტის და ანექსირებულ რეგიონებში ხელახალი “არჩევნების” იდეა.
“უკრაინა-რუსეთის მშვიდობა:
- ჩატარდეს ხელახალი არჩევნები ანექსირებულ რეგიონებში გაერთიანებული ერების ზედამხედველობის ქვეშ. რუსეთმა დატოვოს [რეგიონები], თუ ხალხის ნება იქნება;
- ყირიმი ფორმალურად რუსეთის ნაწილია, როგორც 1783 წლამდე იყო (ხრუშჩოვის შეცდომამდე);
- უზრუნველყოფილი იყოს ყირიმის წყალმომარაგება.
- უკრაინა დარჩეს ნეიტრალური”, – წერს მასკი.
Ukraine-Russia Peace:
– Redo elections of annexed regions under UN supervision. Russia leaves if that is will of the people.
– Crimea formally part of Russia, as it has been since 1783 (until Khrushchev’s mistake).
– Water supply to Crimea assured.
– Ukraine remains neutral.
— Elon Musk (@elonmusk) October 3, 2022
მისი თქმით, ეს იქნება საბოლოო შედეგი, თუმცა “კითხვაა, რამდენი ადამიანი დაიღუპება მანამდე”. ამასთან, მასკის განცხადებით, რუსეთ-უკრაინის ომის “შესაძლო, თუმცა ნაკლებად სავარაუდო შედეგი” ბირთვული ომი იქნება.
მის ამ პოსტს ტვიტერზე დიდი გამოხმაურება მოჰყვა. მათ შორის, აღნიშნულ ტვიტს გამოეხმაურა უკრაინის პრეზიდენტის ადმინისტრაციის მრჩეველი მიხაილო პოდოლიაკი:
“ელონ მასკ, აი, უკეთესი სამშვიდობო გეგმა:
- უკრაინა ათავისუფლებს თავის ტერიტორიებს. მათ შორის ანექსირებულ ყირიმს;
- რუსეთი ექვემდებარება დემილიტარიზაციას და სავალდებულო დენუკლერიზაციას, რათა სხვას ვეღარ დაემუქროს;
- ომის დამნაშავეები გადიან საერთაშორისო ტრიბუნალზე”, – წერს პოდოლიაკი.
.@elonmusk there is a better peace plan.
1. 🇺🇦 liberates its territories. Including the annexed Crimea.
2. 🇷🇺 undergoes demilitarization and mandatory denuclearization so it can no longer threaten others.
3. War criminals go through international tribunal.
Let’s vote?
— Михайло Подоляк (@Podolyak_M) October 3, 2022
მოგვიანებით ილონ მასკის ამ პოსტს ტვიტერზე გამოკითხვით გამოეხმაურა უკრაინის პრეზიდენტი, ვოლოდიმირ ზელენსკიც:
“რომელი ილონ მასკი უფრო მოგწონთ?
- ის, რომელიც მხარს უჭერს უკრაინას,
- ის, რომელიც მხარს უჭერს რუსეთს”, – დაწერა უკრაინის პრეზიდენტმა.
Which @elonmusk do you like more?
— Володимир Зеленський (@ZelenskyyUa) October 3, 2022