საქართველოს პრეზიდენტმა სალომე ზურაბიშვილმა ხელი მოაწერა გაერო-ში ელჩად დავით ბაქრაძის დანიშვნას. ამის შესახებ ცნობებს ტელეკომპანია “იმედი” და რ2 ავრცელებენ.
პრეზიდენტის ადმინისტრაცია და საგარეო უწყება ჯერჯერობით კომენტარს არ აკეთებენ.
გაერო-სთან საქართველოს წარმომადგენლობის ხელმძღვანელმა კახა იმნაძემ Twitter-ზე დაწერა, რომ ის ტოვებს ნიუ იორკს და წარმატებებს უსურვებს მის მემკვიდრეს დავით ბაქრაძეს. თავად კახა იმნაძე დიპლომატიურ საქმიანობას კანადაში გააგრძელებს.
Leaving NY, proud to have made my contribution to the cause of #Georgia & of #UN.
Wishing best to my successor @BakradzeDavid.
Eagerly looking forwrd to my next stint in #Ottawa, building on my dear old friend Amb.Kavtaradze’s work for #Georgia🇬🇪 – #Canada🇨🇦 friendship & co-op pic.twitter.com/xE1AyiQMMd— Kaha Imnadze (კახა იმნაძე) (@kahaimnadze) August 30, 2022
საქართველოს პრეზიდენტი ამ დრომდე უარს ამბობდა, ხელი მოეწერა დავით ბაქრაძის გაეროში ელჩად დანიშვნაზე. საქართველოს პრეზიდენტმა უარყო მთავრობის წარდგინება, რომელიც გაეროში ელჩ კახა იმნაძისთვის 2 თვით ადრე უფლებამოსილების შეწყვეტას და მის კანადაში გადაყვანას, გაეროში ელჩად კი დავით ბაქრაძის დანიშვნას ითვალისწინებდა. ეს პრეზიდენტთან უფლებამოსილების გამიჯვნაზე მთავრობის საკონსტიტუციო სარჩელის მიზეზი გახდა.
სალომე ზურაბიშვილმა თქვა, რომ გაეროში დავით ბაქრაძის ელჩად დანიშვნას არ ეთანხმებოდა, რადგან ეს უკანასკნელი 5 წელი იყო აშშ-ში ელჩი და „არაფერი გაუკეთებია”.
5 წელი იყო ელჩი აშშ-ში და არაფერი გაუკეთებია ურთიერთობებისთვის – პრეზიდენტი დავით ბაქრაძეზე