ევროპარლამენტარი ვიოლა ფონ კრამონი ეხმაურება საქართველოს პრეზიდენტის განცხადებას იმის შესახებ, რომ მთავრობამ უარი უთხრა საფრანგეთში, პოლონეთსა და უკრაინაში ვიზიტზე, სადაც მას საქართველოსთვის ევროკავშირის კანდიდატი წევრის სტატუსის მიღებასთან დაკავშირებით უნდა გაემართა შეხვედრები.
ევროპარლამენტარის შეფასებით ეს საქართველოს მთავრობის დაღმასვლაა.
„როცა ქვეყნის პრეზიდენტი ხარ და შენი მთავრობა არ გაძლევს გამგზავრების საშუალებას, ცუდ ხუმრობას ჰგავს. მაგრამ, სამწუხაროდ, დღეს ეს საქართველოში პოლიტიკური რეალობაა. საქართველოს მთავრობის დაღმასვლაა“, – წერს ვიოლა ფონ კრამონი ტვიტერზე.
Wenn Du Präsidentin eines Landes bist und Deine eigene Regierung Dich nicht reisen lässt. Klingt wie ein schlechter Scherz. Ist aber heute leider politische Realität in 🇬🇪#Georgien. Was für ein Niedergang @GovernmentGeo https://t.co/3NifAJSZSE
— Viola von Cramon (@ViolavonCramon) June 10, 2022
პრეზიდენტმა სალომე ზურაბიშვილმა გუშინ, 10 ივნისს, განაცხადა, რომ სახელისუფლებო გუნდი არ აძლევს საშუალებას ეფექტურად დავიცვას ქვეყნის კანდიდატურა.
„მითხრეს, რომ თურმე მთავრობამ ყველაფერი გააკეთა ჩვენი კანდიდატურის მხარდასაჭერად და აღარ იყო საჭირო ზედმეტი აქტიურობა, მე თვითონაც ჩავთვალე, რომ ალბათ არ არის მიზანშეწონილი, ეს არ არის ის საქმე, სადაც მე შემიძლია მარტო გადავარჩინო მთლიანად მთავრობის უმოქმედობა“, – განაცხადა ზურაბიშვილმა.
მთავრობამ არ მომცა საფრანგეთში, უკრაინასა და პოლონეთში ვიზიტის საშუალება – პრეზიდენტი
