მძიმეა 8 წლის ბიჭის მდგომარეობა, რომელსაც დღეს, 31 მარტს, დილის საათებში ტროტუარზე BMW-ს მარკის ავტომანქანა დაეჯახა. ამის შესახებ “ნეტგაზეთს” განუცხადეს მ. იაშვილის სახელობის კლინიკაში.
კლინიკის ინფორმაციით, მოზარდს მრავლობითი დაზიანებები აქვს და ამჟამად ოპერაცია უტარდება.
შსს-ში „ნეტგაზეთს“ განუცხადეს, რომ ავტომანქანის მძღოლი დაკავებულია. ინციდენტზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
