ქართველი კალათბურთელი თორნიკე შენგელია მოსკოვის CSKA-დან წამოვიდა. ინფორმაციას ამის შესახებ Marca ავრცელებს.

როგორც გამოცემა წერს, ფაქტის კომენტირებისას შენგელიამ განაცხადა, რომ ეს კადაწყვეტილება უკრაინაში მიმდინარე მოვლენების გამო მიიღო და აღნიშნა, რომ რუსეთის უკრაინაში შეჭრის შემდეგ არ შეეძლო, რუსეთის არმიის კლუბში თამაში გაეგრძელებინა:

„ეს გადაწყვეტილება რუსეთის მიერ უკრაინაში შეჭრის გამო მივიღე. ვერ წარმომიდგენია რუსეთის არმიის კლუბში თამაშის გაგრძელება“ ,- ამბობს კალათბურთელი Marca-ს მიხედვით.

გუშინ ღამით თორნიკე შენგელიამ პირად ფეისბუკ გვერდზე სოლიდარობის ნიშნად უკრაინის დროშა გამოაქვეყნა და დაწერა „ვლოცულობ უკრაინისთვის, მტკიცედ იდექით!“.

საქართველოს საკალათბურთო ნაკრების ფორვარდი თორნიკე შენგელია რუსულ კლუბ CSKA-ში 2020 წელს გადავიდა.