ნეტგაზეთი | “ბედნიერებაა როცა ევროპის ერთ-ერთი საუკეთესო გუნდი პატივს სცემს ჩემს პატრიოტიზმს” – შენგელია “ბედნიერებაა როცა ევროპის ერთ-ერთი საუკეთესო გუნდი პატივს სცემს ჩემს პატრიოტიზმს” – შენგელია – Netgazeti

“ბედნიერებაა როცა ევროპის ერთ-ერთი საუკეთესო გუნდი პატივს სცემს ჩემს პატრიოტიზმს” – შენგელია

საქართველოს საკალათბურთო ნაკრების ფორვარდი თორნიკე შენგელია, რომელიც კარიერას რუსულ CSKA-ში გააგრძელებს, განცხადებას ავრცელებს და კრიტიკას პასუხობს.

შენგელია მადლობას უხდის ყველა ადამიანს, ვინც მის მიმართ მხარდაჭერა გამოხატა და აღნიშნა რომ განცხადებას თავის სამართლებლად არ ავრცელებს, რამდენადაც, მიიჩნევს მათთვის ვისაცარაფრის მოსმენა არ სურს რამის ახსნა რთულია:

“ვერ ავუხსნი ამ ადამიანს თუ რა შეგრძნება მეუფლებოდა როცა 10-11 წლის ვიყავი და საქართველოს ნაკრების თამაშზე აჟღერებული ჰიმნის დროს ტრიბუნებუნიდან თვალებ დახუჭული ფეხზე ვიდექი და ჩემი თავი მოედანზე მოთამაშეებს შორის წარმომედგინა.
ვერ ავუხსნი ამ ადამიანს თუ რას ნიშნავს ჩემთვის, საქართველოს ნაკრების თამაშის, ტელევიზორიდან ყურება და რა საშინელი შეგრძნებაა როცა შენი კარიერის პიკში ყოფნის დროს შენ ნაკრებს და ქვეყანას ვერ ეხმარები იმიტომ, რომ ეს მესამე და მეოთხე მხარემ გადაწყვიტა.

ვერც იმას ავუხსნი რამხელა სიხარული და ბედნიერება განვიცადე სულ რამოდენიმე დღის წინ როცა ესპანეთის ჩემპიონი გავხდი და მომეცა შესაძლებლობა ქართული დროშა ამეფრიალებინა! ვერც იმას მიხვდება, რომ ევროპის ერთ ერთ საუკეთესო გუნდში გადასვლით მეტი მოგების შესაძლებლობები მომეცემა რაც მეტი ჩვენი დროშის ფრიალს ნიშნავს.ვერც იმას გაიგებს თუ რამხელა ბედნიერებაა როდესაც ევროპის ერთ-ერთი საუკეთესო გუნდი პატივს ცემს ჩემს პატრიოტიზმს და შესაძლებლობას მაძლევს ნაკრების ყველა თამაშზე ჩამოვიდე ისევ და ისევ ჩვენი ქვეყნის წინ წასაწევად გამარჯვებისაკენ.

და ვერც იმას ამიხსნით მე თუ რამხელა ტკივილია როდესაც ჩვენი ქვეყანა ჩვენ გმირებს კარგავს, იმიტომ რომ მე ამის ახსნა არ მჭირდება, ეს მე კარგად ვიცი და ისიც ვიცი, რომ თქვენც კარგად იცით, რომ მე ეს ვიცი. კიდევ ერთხელ ვიმეორებ, მე, თორნიკე შენგელია, ვიყავი, ვარ და ვიქნები ქართული სულის მატარებელი ყველგან სანამ სული მიდგას და ამას ვერ შეცვლის ვერც ერთის გაკეთებული კომენტარი თუ განცხადება!ყველაზე მშვიდად გავივლი ამ განსაცდელს, იმიტომ, რომ ჩემს გვერდით ღმერთი დგას. მხოლოდ მის წინაშე ვარ პასუხისმგებელი და მან კი ნამდვილად იცის თუ ვინ ვარ მე” – წერს თორნიკე შენგელია.

თორნიკე შენგელია რუსულ CSKA-ში გადავიდა

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ბოგვერაძე არის "ნეტგაზეთის" რეპორტიორი 2016 წლიდან.