ქართველმა კალათბურთელმა თორნიკე შენგელიამ, რომელიც რუსულ საკალათბურთო კლუბ CSKA-ში თამაშობს, სოლიდარობის ნიშნად „ფეისბუკზე“ უკრაინის დროშის ფოტო დააყენა:
„ვლოცულობ უკრაინისთვის, მტკიცედ იდექით“ , – წერს ქართველი სპორტსმენი.
მე-2 დღეა, რუსეთმა უკრაინის წინააღმდეგ სრულმასშტაბიანი ომი დაიწყო. რუსული ჯარები უკრაინაში შეიჭრნენ სამი მხრიდან — ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი). პარალელურად, არტილერია და ავიაცია ბომბავს უკრაინის ქალაქებს, მათ შორის, დედაქალაქ კიევს.რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
