უკრაინის შეიარაღებული ძალების გენერალური შტაბის თანახმად, უკრაინის საჰაერო თავდაცვის ძალებმა ჩამოაგდეს IL-76, რომელსაც რუსული დესანტი გადაჰყავდა.
შტაბის ცნობით, ეს კიევის ოლქში, ქალაქ ვასილკოვთან მოხდა.
“ეს არის შურისძიება 2014 წლის ლუგანსკისთვის”, — წერია მოკლე განცხადებაში. გენშტაბი გულისხმობს 8 წლის წინ ლუგანსკში მოქმედი პრორუსი შეიარაღებულების მიერ IL-76-ის ჩამოგდებას, რასაც 49 უკრაინელი სამხედროს სიცოცხლე შეეწირა.
მე-2 დღეა, რუსეთმა უკრაინის წინააღმდეგ სრულმასშტაბიანი ომი დაიწყო. რუსული ჯარები უკრაინაში შეიჭრნენ სამი მხრიდან — ჩრდილოეთიდან (ბელარუსი), აღმოსავლეთიდან (დონეცკი-ლუგანსკი) და სამხრეთიდან (ყირიმი).
პარალელურად, არტილერია და ავიაცია ბომბავს უკრაინის ქალაქებს, მათ შორის, დედაქალაქ კიევს.რუსეთის პრეზიდენტი ვლადიმირ პუტინი აცხადებს, რომ მათი მიზანი „უკრაინის დემილიტარიზაცია და დენაციფიკაციაა“.
ვრცლად:
