რუსი პოლიტიკოსი და ოპოზიციონერი ალექსეი ნავალნი, თანამოაზრეებთან ერთად, რუსეთმა ტერორისტთა სიაში შეიყვანა.
რუსეთის ფინანსური მონიტორინგის ფედერალურმა სამსახურმა (იგივე „როსინფომონიტორინგი“) გადაწყვეტილება დაასაბუთა იმით, რომ „არსებობს მტკიცებულება ტერორიზმსა და ექსტრემისტულ საქმიანობაში მათი მონაწილეობის შესახებ“.
გარდა ნავალნისა, ამ სიაში მოხვდნენ ლუბოვ სობალი, ვიაჩესლავ გიმადი, გეორგი ალბუროვი და სხვები.
„თვითმფრინავით მოვფრინავდი, ჩამოსვლისთანავე ტელეფონი ამიფეთქდა. აღმოჩნდა, რომ მე კოლეგებთან ერთად რუსეთის „ტერორისტებისა და ექსტრემისტების“ სიაში მოვხვდი. რა ვთქვა. ქვეყანაში, რომელსაც ერთ მთლიან რეგიონს კადიროვი მართავს, ასეთ სიაში მოხვედრა დიდი ბედნიერებაა – ანუ ყველაფერს სწორად ვაკეთებ“, – წერს გეორგი ალბუროვი, ნავალნის გუნდის ერთ-ერთი გამომძიებელი.
Летел в самолёте, приземлился, а телефон разрывается. Оказывается, я с коллегами попал в России в список «экстремистов и террористов».
Ну что сказать. В стране, у которой целый регион возглавляет Кадыров, оказаться в таком списке большая радость — значит все правильно делаю— Георгий Албуров (@alburov) January 25, 2022
მანამდე მოსკოვის საქალაქო სასამართლომ ალექსეი ნავალნისთან დაკავშირებული „კორუფციასთან ბრძოლის ფონდი“, „მოქალაქეთა უფლებების დაცვის ფონდი“ და პოლიტიკოსის რეგიონული შტაბები „ექსტრემისტულ ორგანიზაციებად“ აღიარა.
რუსეთში სასამართლომ ნავალნის ორგანიზაციები “ექსტრემისტულად” აღიარა
