Balenciaga -ს კრეატიული დირექტორი, დიზაინერი დემნა გვასალია შეუერთდა მიხეილ სააკაშვილის გათავისუფლების მოთხოვნას.
ექსპრეზიდენტი მიხეილ სააკაშვილი თბილისში 1 ოქტომბერს დააკავეს. ის ამჟამად საპატიმროში შიმშილობს, თავს უკანონო პატიმარდ მიიჩნევს და გათავისუფლებას ითხოვს.
ინტერნეტში შეიქმნა პეტიცია, რომელსაც ამ დროისთვის 10 000-ზე მეტი ადამიანი უჭერს მხარს. მოთხოვნა სააკაშვილის გათავისუფლებაა. პეტიციას შეუერთდნენ მართლმადიდებელი ეკლესიის 2 მღვდელმთავარი, ასევე, მსოფლიო ჩემპიონი ჭიდაობაში ზურაბ დათუნაშვილი და სხვები.
სააკაშვილის ადვოკატმა ნიკა გვარმიამ გაავრცელა ინფორმაცია, რომ სააკაშვილის გათავისუფლების მოთხოვნას შეუერთდა დემნა გვასალია. გვარამიამ ფეისბუკზე გვასალიას ხელნაწერი გამოაქვეყნა – Free Misha (თავისუფლება მიშას). ინფორმაცია იმის შესახებ, რომ ეს შეტყობინება ნამდვილად გვასალიას ეკუთვნის, ნეტგაზეთს სხვა წყაროსგანაც აქვს.
ამავე თემაზე გირჩევთ:
სააკაშვილის გათავისუფლების პეტიციას მიტროპოლიტი ნიკოლოზიც შეუერთდა
ეპისკოპოსი მელქისედეკი სააკაშვილის გათავისუფლების პეტიციას შეუერთდა