ევროპული საბჭოს პრეზიდენტი, შარლ მიშელი საქართველოს თვითმმართველობის არჩევნებს თვითერზე ეხმაურება.
ის წერს, რომ მიესალმება საქართველოს ყველა მოქალაქეს, ვინც არჩევნების პირველ ტურში მონაწილეობა მიიღო, შემდეგ კი ამბობს:
„აუცილებელია ახლა ის, რომ ქვეყნის ფოკუსი დაუბრუნდეს სიღრმისეულ სტრუქტურულ რეფორმებს, რაც გაწერილია 19 აპრილის შეთანხმებაში, განსაკუთრებით კი, კანონის უზენაესობისა და სასამართლო სფეროებში“, – წერს მიშელი.
I commend all Georgians who made their voices heard in the first round of the local elections.
Essential that the country’s focus now return to in depth structural reforms, as set out in the 19 April Agreement, notably in the rule of law and judicial spheres.
— Charles Michel (@eucopresident) October 4, 2021
საქართველოში 2 ოქტომბერს ადგილობრივი თვითმმართველობის არჩევნები ჩატარდა. არჩევნების პირველადი შედეგების თანახმად, “ქართული ოცნება” რამდენიმე მუნიციპალიტეტის საკრებულოში უმრავლესობას კარგავს.
20 ქალაქში კი არჩევნებმა ვერ გამოავლინა მერობისთვის მებრძოლი გამარჯვებული კანდიდატი. ეს ნიშნავს, რომ ამ ქალაქებში ვერც ერთმა კანდიდატმა ვერ შეძლო ხმების 50%-ზე მეტის მოპოვება, მათ შორის, არის თბილისიც, სადაც ერთმანეთს მეორე ტურში კახა კალაძე და ნიკა მელია დაუპირისპირდებიან.
სულ ენმ-სა და „ქართული ოცნების“ კანდიდატები მეორე ტურში ერთმანეთს 17 ქალაქში დაუპირისპირდებიან, მეორე ადგილზე მხოლოდ ცაგერში გავიდა გიორგი გახარიას პარტიის კანდიდატი ბესარიონ ბენდელიანი და ასევე, ორ ქალაქში — თიანეთსა და ოზურგეთში — „ოცნებას“ დაუპირისპირდებიან დამოუკიდებელი კანდიდატები თამაზ მეჭიაური და კონსტანტინე შარაშიძე.
ნახეთ ასევე:
20 ქალაქი, სადაც მერის ასარჩევად მეორე ტური გაიმართება — სია
