2 ოქტომბერს ადგილობრივი თვითთმართველობის არჩევნებს შვიდი ევროპარლამენტარისგან შემდგარი ევროპარლამენტის დელეგაცია დააკვირდება. ამის შესახებ ინფორმაციას ევროკავშირის წარმომადგენლობა ავრცელებს.

მათივე ცნობით, ევროპარლამენტის დელეგაციაში იქნებიან:

• მიჰაილ გალარი (EPP, გერმანია) – დელეგაციის თავმჯდომარე
• მირიამ ლექსმანი (EPP, სლოვაკეთი)
• მარინა კალიურანდი (S&D, ესტონეთი)
• კატალინ ჩე (Renew, უნგრეთი)
• მარკეტა გრეგოროვა (Greens/EFA, ჩეხეთი)
• ჯორდი სოლე (Greens/EFA, ესპანეთი)
• ანა ფოტიგა (ECR, პოლონეთი)

მათივე ცნობით,  ევროპარლამენტარები საქართველოში 29–30 სექტემბერს ჩამოვლენ  და ოფიციალური პროგრამის ფარგლებში შეხვდებიან ევროკავშირის ელჩს, ეუთოს წამყვან ჯგუფს, ცენტრალურ საარჩევნო კომისიას, პოლიტიკური პარტიების, წამყვანი არასამთავრობო ორგანიზაციებისა და მედიის წარმომადგენლებს. დელეგაცია ასევე შეხვდება საქართველოს პრეზიდენტსა და პრემიერ-მინისტრს.