გორის სოფელ კარბის “ნაციონალური მოძრაობის” მაჟორიტარობის კანდიდატის, ლევან ბიძინაშვილის შვილი ტრანსგენდერ ქალზე ძალადობის ბრალდებით დააკავეს. ამის შესახებ ინფორმაციას შინაგან საქმეთა სამინისტრო ავრცელებს.
უწყების ცნობით, გამოძიებით დადგინდა, რომ ბრალდებული თბილისში, ურთიერთშელაპარაკებისას, ტრანსგენდერ ქალს ფიზიკურად გაუსწორდა და სახის არეში დაზიანებები მიაყენა. მათივე ინფორმაციით, დაშავებული სამედიცინო დაწესებულებაში გადაიყვანეს, სადაც შესაბამისი დახმარება გაეწია.
მომხდარზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს და დანაშაული 1 წლამდე ვადით თავისუფლების აღკვეთას ითვალისწინებს.
გორში ენმ-ის კანდიდატი ამბობს, რომ მისი შვილი პოლიციამ წაიყვანა
