ბოლო 24 საათის განმავლობაში საქართველოში კორონავირუსის 5 914 ახალი შემთხვევა გამოვლინდა და გარდაიცვალა 49 ადამიანი. დაავადებათა კონტროლის ეროვნული ცენტრის [NCDC] ინფორმაციით, ბოლო ერთი კვირის განმავლობაში კოვიდ-19-ის დადებითობის მაჩვენებელია 11.9%, ბოლო ორი კვირის კი- 10.71%. ასევე, ბოლო 24 საათში გამოჯანმრთელდა 3 316 პირი.
ინფიცირების ახალი შემთხვევები რეგიონების მიხედვით შემდეგნაირად ნაწილდება:
- თბილისი – 2 298
- აჭარა – 877
- იმერეთი – 789
- ქვემო ქართლი – 355
- შიდა ქართლი – 318
- გურია – 188
- სამეგრელო – ზემო სვანეთი – 313
- კახეთი – 452
- მცხეთა-მთიანეთი – 140
- სამცხე-ჯავახეთი – 122
- რაჭა-ლეჩხუმი და ქვემო სვანეთი – 62
ამ დროისთვის კორონავირუსის 57 312 აქტიური შემთხვევა ფიქსირდება, საიადანაც 7 029 ადამიანი მკურნალობს საავადმყოფოში, მძიმე პაციენტია 1 461 პირი, ხელოვნური სუნთქვის აპარატზე 327 ადამიანი იმყოფება. კლინიკურ სასტუმროებში მოთავსებულია 3 450 პირი, 46 833 ადამიანი კი მკურნალობის კურსს ბინაზე გადის.
NCDC-ის ცნობით, გუშინ, 17 აგვისტოს, ერთი დღის განმავლობაში 25 241 აცრა ჩატარდა. ვაქცინაციის დაწყებიდან დღემდე კი საქართველოში 857 056 აცრა ჩატარდა. ამ დროისთვის სრულად აცრილია 251 447 ადამიანი.
პანდემიის გავრცელებიდან დღემდე ვირუსს, ჯამში, 6 532 პირი ემსხვერპლა.
