ნეტგაზეთი | ნატა საბანაძე გახარიას პარტიას შეუერთდა ნატა საბანაძე გახარიას პარტიას შეუერთდა – Netgazeti
Batumelebi | RU

ნატა საბანაძე გახარიას პარტიას შეუერთდა

საქართველოს ყოფილი ელჩი ევროკავშირში ნატა საბანაძე პარტიას „საქართველოსთვის“ შეუერთდა და საგარეო მიმართულებით გიორგი გახარიას მრჩეველი გახდა.

ამის შესახებ გიორგი გახარიამ ევროპარლამენტარ ვიოლა ფონ კრამონთან შეხვედრის შემდეგ განაცხადა. ვიოლა ფონ კრამონს პარტიის „საქართველოსთვის“ ლიდერი ევროკავშირში საქართველოს ყოფილ ელჩთან, ნატალია საბანაძესთან ერთად შეხვდა.

„ყველა იცნობთ ქალბატონ ნატა საბანაძეს — მიხარია, რომ ნატა საბანაძე შემოუერთდება ჩვენს გუნდს, მას ექნება ოფიციალური პოზიცია ჩვენთან, ის იქნება ჩემი საერთაშორისო მრჩეველი. ყველას მოგეხსენებათ მისი რეპუტაცია როგორც საერთაშორისო, ისე ქვეყნის შიგნით და ეს იქნება კიდევ ერთი წინ გადადგმული ნაბიჯი ჩვენი გუნდის გაძლიერებისთვის“, – განაცხადა გიორგი გახარიამ.

ნატა საბანაძე, რომელიც საქართველოს საგანგებო და სრულუფლებიანმა ელჩი იყო ბელგიის სამეფოსა და ლუქსემბურგში და ევროკავშირთან საქართველოს მისიას ხელმძღვანელობდა, თანამდებობა გიორგი გახარიას გადადგომიდან მალევე დატოვა.

ყოფილი ელჩი საბანაძე განმარტავს, რატომ ახლდა გახარიას ბრიუსელში შეხვედრებზე

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ჩიჩუა არის "ნეტგაზეთის" რეპორტიორი 2018 წლის სექტემბრიდან.