“თბილისი პრაიდის” წარმომადგენლის, ანა სუბელიანის თქმით, თბილისში, ერთ-ერთ შენობას, სადაც 50-მდე ადამიანი იყო შეკრებილი, ჰომოფობიურმა ჯგუფებმა ალყა შემოარტყეს.
სუბელიანის თქმით, ძალადობრივმა ჯგუფებმა შენობაში ასაფეთქებელი ნივთიერება შეაგდეს, რომლის ნაწილიც შენობაში მყოფ ერთ-ერთ ადამიანს მოხვდა მუცლის არეში, თუმცა მძიმე დაზიანებები არ მიუღია. სუბელიანის განმარტებით, მისთვის უცნობია, რა ასაფეთქებელი ნივთიერება შეაგდეს შენობაში.
შინაგან საქმეთა სამინისტროში “ნეტგაზეთს” უთხრეს, რომ ინფორმაციას დააზუსტებენ და მოგვიანებით შეგვატყობინებენ.