ნეტგაზეთი | თბილისში სატვირთო კლინიკის ავტოსადგომზე ჩავარდა, არიან დაშავებულები თბილისში სატვირთო კლინიკის ავტოსადგომზე ჩავარდა, არიან დაშავებულები – Netgazeti
Batumelebi | RU

თბილისში სატვირთო კლინიკის ავტოსადგომზე ჩავარდა, არიან დაშავებულები

თბილისში, კრწანისის ქუჩაზე მდებარე კლინიკა “ნიუ ჰოსპიტალის” ეზოში სატვირთო მანქანა ჩავარდა და რამდენიმე მსუბუქ ავტომანქანას დაეჯახა. ინფორმაცია ამის შესახებ “ნეტგაზეთს” კლინიკის პრესსამსახურში დაუდასტურეს.

პრესსამსახურის ინფორმაციით, ამ დროისთვის უცნობია ზუსტად რა მოხდა, თუმცა როგორც თვითმხილველები ამბობენ მიმდებარე ქუჩიდან კლინიკის ეზოში, ავტოსადგომზე სატვირთო მანქანა ჩავარდა და რამდენიმე მსუბუქი ავტომობილი მოიყოლა.

საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით 3 დაშავებული კლინიკა “ნიუ ჰოსპიტალში” ავარიიდან რამდენიმე წუთში შეიყვანეს, ამჟამად ადგილზე მუშაობს სასწრაფო დახმარების სამი ეკიპაჟიც, თუმცა ამ დროისთვის უცნობია დაშავებულების ზუსტი რაოდენობა.

“ნეტგაზეთი” დამატებითი დეტალების გარკვევას ცდილობს შინაგან საქმეთა სამინსიტროსთან.

ნეტგაზეთის მასალების სხვა გამოცემებში გადაბეჭდვის წესი
ავტორი